Diesmal mit Astrid Zinniel!
ASTRID ZINNIEL VIENNA UNIQUE
Luxury Vintage Pieces | Jugendstil, Art Deco, Midcentury | Art Consulting | Art Staging | Gutachten
www.astrid-zinniel.at
Instagram: astridzinniel

Feine Dame.
A feine Dame möcht i werdn! I brauchat hoid an Herrn, an aanzign, der mi von hint und vuan verwehnt und ma an Schmuck oda wenigstens an Pölzmauntl schenkt. I moch eam jo des Leben bequem. Nau, waunn a brennt!
Es is jo net so vü, wos a Maunn wü. Er braucht Sex! Nau, das is gut , ma muass eam hoid nemma, wi ea kummt.
Oba, bitte – er dearf net so deppat schaun, waunn i eam flüsta, wos i brauch:
sei Herz, und de Marie, jo, so afoch bin i.

Diesmal mit Markus Ratz!
Schuldirektor einer Sportmittelschule in Favoriten,
Geschäftsführender Gemeinderat der Gemeinde Reisenberg, Bezirk Baden

Leida, leida, leida.

Leida, leida, leida, bring i net vü weida. I bin a bissl depressiv und hob quasi zua Zeit a Tief.
Mei Lebn is aum schwerstn, drei Tage vor dem Erstn. Wäu schau i ma mei Konto au, siech i, dass i nix ohebn kau. Wos mi wirklich ziemlich quöd! Aundauand hob i zwenig Göd.
Und nie hob i mei Ruah! Aundauand muass i irgendwos tuan. Und hob i bitte amoi Zeit foid ma nix ei, des mi gfreit oda i bin eh hundsmiad, sodass i an muarzdrum Schlof kriag.
Des is a Jaumma! So kaunn i des net lossn und i hob beschlossen, i werd Karriere mochn.
Wie – waas i no net so genau, wäu i im Grunde net vü kau. Oba irgendwos, des bring i zaum, daunn wer i aa a Kohle haum! Und daunn werns olle deppat schaun, wäu des wü kana so recht glaubn, dass echt aus mia wos wird, bevur i stirb.